കേന്ദ്രസര്‍ക്കാരിനെ വെല്ലുവിളിച്ച് രാംലീല മൈതാനിയില്‍ നിരാഹാര നാടകം നടത്തിയ യോഗാ സംന്യാസി ബാബ രാംദേവിനെ അറസ്റ്റു ചെയ്തു. ഇന്നു പുലര്‍ച്ചെ ഒന്നിനായിരുന്നു രാംദേവിനെ പിന്തുണച്ചിരുന്ന സംഘപരിവാര്‍ കേന്ദ്രങ്ങളെ ഞെട്ടിച്ച പൊലീസ് നടപടി. സംഭവത്തിനു പിന്നില്‍ രാഷ്ട്രീയ ഗൂഡാലോചനയാണെന്ന് ആര്‍എസ്എസും ബിജെപിയും ആരോപിച്ചു. എന്നാല്‍ അറസ്റ്റു ചെയ്തിട്ടില്ലെന്ന് ഡല്‍ഹി പൊലീസ് കമ്മീഷണര്‍ പറഞ്ഞു. സമര സ്ഥലത്ത് നിരോധനാജ്ഞ പ്രഖ്യാപിച്ചിരിക്കുകയാണ്.
രാംദേവിനെയും അനുയായികളെയും ബലംപ്രയോഗിച്ച് അറസ്റ്റു ചെയ്ത പിന്നാലെ കണ്ണീര്‍വാതവും പ്രയോഗിച്ചു.
കള്ളപ്പണത്തിനും അഴിമതിക്കും എതിരേ എന്ന പ്രഖ്യാപനവുമായി ശനിയാഴ്ച രാവിലെയാണ് രാംദേവും ആയിരക്കണക്കിന് അനുയായികളും നിരാഹാരം തുടങ്ങിയത്. കേന്ദ്ര സര്‍ക്കാര്‍ നടത്തിയ ചര്‍ച്ചകള്‍ വിജയിച്ചിരുന്നില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ