ജപ്പാന്‍ജ്വര വൈറസിന് ജനിതകമാറ്റം

ആലപ്പുഴ: രോഗലക്ഷണങ്ങളിലും രോഗബാധയിലും പ്രകടമായ വ്യത്യാസം കാട്ടി ജില്ലയി്ല്‍ പടരുന്ന ജപ്പാന്‍ജ്വരം വൈറസുകളില്‍ ജനിതക മാറ്റം സംഭവിച്ചതുമൂലമാണെന്ന് സംശയം. സാധാരണയില്‍ നിന്നു വ്യത്യസ്ഥമായ രോഗ ലക്ഷണങ്ങള്‍ പ്രകടിപ്പിക്കുന്ന മാരകരോഗം പകര്‍ത്തുന്ന വൈറസുകള്‍ക്ക ജനിതക മാറ്റം സംഭവിച്ചു എന്നത് ആരോഗ്യ രംഗത്തെ വിദഗ്ധര്‍ ആശങ്കയോടെയാണ് കാണുന്നത്. കൊതുകുജന്യ രോഗങ്ങള്‍ ഏറ്റവും കൂടുതല്‍ ഉണ്ടാകുന്ന ആലപ്പുഴ ജില്ലയില്‍ നടത്തിയ പഠനമാണ് ഈ രംഗത്തെ വിദഗ്ധരെ ഇത്തരം ഒരു നിഗമനത്തില്‍ എത്തിച്ചിരിക്കുന്നത്. സാധാരണയായി 15 വയസിനു താഴെയുള്ളവര്‍ക്കാണ് ജപ്പാന്‍ജ്വരംപിടിപെടുന്നത്. രോഗം ബാധിതരില്‍ ഏറിയ പങ്കും മരണത്തിന് കീഴടങ്ങുകയാണ് പതിവ്. രോഗത്തിന്റെ പിടിയില്‍ നിന്നും രക്ഷപ്പെട്ടവര്‍ക്ക് 30 ശതമാനത്തിനു മുകളില്‍ നാഡീവ്യൂഹത്തിനും തലച്ചോറിനും തകരാറുകള്‍ സംഭവിക്കാറുണ്ട്. രോഗ നിര്‍ണയം നടത്തുന്നതിലെ കാലതാമസമാണ് മരണത്തിന് വഴിയൊരുക്കിയിരുന്നത്. മുന്‍കാലങ്ങളില്‍ ജപ്പാന്‍ജ്വരം ബാധിച്ചവര്‍ക്കു നല്‍കിയിരുന്ന വാക്‌സിന്‍ രോഗ കാരണമായ വൈറസുകളില്‍ ജനിതക വ്യതിയാനം വരുത്തുവാന്‍ സാധ്യതയുണ്ടെന്ന് ചൂണ്ടിക്കാട്ടപ്പെട്ടിരുന്നു. ഇപ്പോള്‍ ആലപ്പുഴയില്‍ 15 പേര്‍ക്കാണ് ജപ്പാന്‍ജ്വര ബാധിച്ചിരിക്കുന്നത്. ഇതില്‍ എട്ടുപേര്‍രുടെ രോഗം ജപ്പാന്‍ജ്വരം തന്നെയാണെന്ന് ആരോഗ്യവകുപ്പ് സ്ഥിരീകരിച്ചു. 30 വയസിനു മുകളില്‍ പ്രായമുള്ളവരായിരുന്നു ഇവരെല്ലാം തന്നെ. ചികിത്സയ്ക്കു ശേഷം ഇവര്‍ പൂര്‍ണമായും സുഖംപ്രാപിച്ചതും. സാധാരണയായി ഉണ്ടാവുന്ന നാഡീതകരാറുകളോ തലച്ചോറിലെ തകരാറുകളോ ഇവരെ ബാധിച്ചിട്ടില്ല. ജപ്പാന്‍ ജ്വരത്തിന്റെ ലക്ഷണങ്ങളോട് കൂടിയ അസുഖം ബാധിക്കുകയും. രോഗികളില്‍ ജപ്പാന്‍ജ്വരത്തിന്റെ രോഗലക്ഷണങ്ങള്‍ വെളിപ്പെടാതിരിക്കുകയും ചെയ്ത സാഹചര്യമാണ് ജപ്പാന്‍ജ്വര വൈറസുകള്‍ക്ക് ജനിതകവ്യതിയാനം സംഭവിച്ചതായ സംശയം ആരോഗ്യ രംഗത്തെ വിദഗ്ധര്‍ക്ക് ഉണ്ടായത്. ചെന്നൈയില്‍ നിന്നെത്തിയ വിദഗ്ധസംഘം ആലപ്പുഴയില്‍ നിന്നും കൊതുകുകളെയും കൂത്താടികളെയും ശേഖരിച്ച് വിദഗ്ധ പരിശോധനയ്ക്ക് അവരുടെ ലാബിലേയ്ക്ക് കൊണ്ടുപോയത് ഇതിനാലാണ്. രോഗം ബാധിച്ചവരുടെ രക്തസാമ്പിളുകള്‍, പ്രദേശത്തെ ജല സാമ്പിള്‍ സംഘം ശേഖരിച്ചിട്ടുണ്ട്. ജപ്പാന്‍ജ്വരത്തിനു നല്‍കുന്ന ആന്റിബയോട്ടിക്‌സിലെ ജെ.ഇ വാക്‌സിന്‍ വൈറസ് മറ്റു വൈറസുകളുമായി ചേര്‍ന്ന് പ്രതിപ്രവര്‍ത്തനം നടത്തുകയും. പുതിയ രോഗങ്ങള്‍ക്കു കാരണമാവുമെന്ന് വൈദ്യശാസ്ത്ര രംഗം നേരത്തെ തന്നെ മുന്നറീപ്പു നല്‍കിയതാണ്. നിലവില്‍ ജപ്പാന്‍ജ്വരത്തിന്റെ മറ്റൊരു പതിപ്പാണ് ആലപ്പുഴയില്‍ പടര്‍ന്നു പിടിക്കുന്നതെങ്കില്‍ പ്രതിരോധ മരുന്നുകള്‍ അടക്കം രോഗത്തിനുള്ള മരുന്നുകള്‍ പുതുതായി കണ്ടു പിടിയ്ക്കണമെന്നതിനാല്‍ സ്ഥിതിഗതികള്‍ ആശങ്ക ജനകമാണെന്ന് വിലയിരുത്തപ്പെടുന്നു.